Хэрлэн голд автомашин нь живсэн иргэдийг авран хамгаалжээ
![](http://mnews.mn/wp-content/uploads/2024/07/20240727_002303.jpg)
Төв аймаг, Мөнгөнморьт сум, Жаргалант багийн “Хадан хошуу” гэдэг газар хоёр зорчигчтой суудлын автомашин “Хэрлэн” голын усанд суусан тухай дуудлагыг Онцгой байдлын газар 07.25-ны өдрийн 04:30 цагт хүлээн авчээ.
Дуудлагын дагуу тус аймгийн Онцгой байдлын газрын Мөнгөнморьт сум дахь Гал түймэр унтраах, аврах 75 дугаар ангийн алба хаагчид 65 км замыг туулан 09:02 цагт очиход нийслэлийн Багануур дүүргээс Мөнгөнморьт сумын “Хадан хошуу” гэдэг газрын чиглэлд зорчиж явсан “Тоёота ландкруйзер прадо” загварын суудлын автомашин “Хэрлэн” голын усанд живж, иргэн Б/44 настай, эрэгтэй/, Г /45 настай, эрэгтэй/ нар голын хойд талын эрэг дээр эсэн мэнд гарсан байсан тул тухайн хоёр иргэнийг аврах завиар 48 минут ажиллан голын урд талд гаргаж, автомашиныг татан гаргах боломжгүй байсан тул үлдээжээ.