Ц.Баатархүү: Мөрийн хөтөлбөр мөрөөдлийн жагсаалт биш
Улсын Их Хурлын ээлжит бус чуулган зарласантай холбогдуулан улс төрийн намын бүлгүүд төрийн ордонд хуралдаж байна. АН бүлгийн хурлаар 2024-2028 оны Засгийн газрын мөрийн хөтөлбөрийг ярилцаж буй. Уг асуудлаар Цахим хөгжил, инноваци, харилцаа холбооны сайд Ц.Баатархүүгээс тодрууллаа.
“Засгийн газрын хийж хэрэгжүүлэх үйл ажиллагааны мөрийн хөтөлбөр мөрөөдлийн жагсаалт биш яг хууль болж хэрэгжих ёстой заалтууд байдаг. Тиймээс үүн дээр УИХ-ын гишүүд маш анхааралтай байх шаардлагатай. АН-ын зүгээс хүний эрхийн чиглэлээр, хувийн өмчийг хамгаалах тал дээр байр сууриа илэрхийлж байна. АН-ын бүлгийн ээлжит бус хуралдаанаар Засгийн газрын үйл ажиллагааны хөтөлбөр, УИХ-ын төсвийн тодотголын асуудлыг хэлэлцэж байна. Засгийн газрын үйл ажиллагааны хөтөлбөр дөрвөн үндсэн чиглэлд анхаарлаа хандуулж байгаа. Нэгдүгээрт, хүний эрхийн асуудал. Ингэхдээ хүний эрхийг хамгаалах бүс нутгийн төвийг Монгол Улсад байгуулъя, хүний эрхийг урьдчилан хамгаалдаг улс болъё. Хоёрдугаарт, хүний хөгжлийн асуудал, үүн дотроо боловсролын чанарын ялгаатай байдлыг бууруулах, мөн эрүүл мэндийн реформын асуудал байна. Хоёр дах шатлалын эмнэлэг болгон анхан шатны үйлчилгээ үзүүлдэг болгох, эдийн засгийн бүтцийн өөрчлөлт хийх хэрэгтэй гэж харж байна. Уул уурхайн бүтээгдэхүүнийг түүхийгээр гаргах биш эцсийн бүтээгдэхүүн болгож үйлдвэрлэх үйлдвэр барих, цахим эдийн засгийг хөгжүүлье. Монгол Улсын мэдээлэл технологийн компанийг хөгжүүлэх нь чухал. Бүсчилсэн хөгжлийн агуулга бүс болгоныг өөрийн гэсэн онцлогоор хөгжүүлэх заалтуудыг оруулсан. Засгийн газрын бүтцийн асуудал бүлэг дээр яригдахгүй байгаа. Олон нийтийн сүлжээгээр таамаг төдий зүйл явж байна. Төрийн албаны реформ хийх асуудал байна. Ажилласан жилээр нь үнэлэх бус хэн сайн ажилласан нь дэвшдэг, гүйцэтгэлийн үнэлгээгээр үнэлдэг болох хэрэгтэй хувийн хэвшил ч ялгаагүй энэ шударга тогтолцоог төр, хувийн хэвшилд нэвтрүүлнэ. Хуулиараа улсын төсвийг тодотгож болдог. Хоёр их наяд төгрөгөөр улсын төсөв давсан энэ нь уул уурхайн борлуулалт нэмэгдсэн гэсэн үг. Төсвийн тодотголыг өнөөдөр өргөн барьсан. Төсвийн тодотголоор Улаанбаатар хотын асуудлыг шийднэ. Тодруулбал, нийслэлийн түгжрэл, утааны агаар орчны бохирдол, хэт төвлөрлийг бууруулах чиглэлээр зарцуулна
About Author
