Баян-Өлгий, Завхан аймгийн сонгогчдын ирц өндөр, Орхон, Дархан-Уул, Улаанбаатар хотын ирц хамгийн бага байна

Аймаг, нийслэл, сум, дүүргийн Иргэдийн Төлөөлөгчдийн Хурлын сонгуулийн санал хураалт дуусахад 01:30 цагийн хугацаа үлдээд байна. Улаанбаатар хотын санал хураалтын ирц хамгийн бага 36 хувь буюу нийт 1.1 сая сонгогчоос 363 мянган иргэн саналаа өгөөд байна.

Үүнд:

Багахангай дүүрэг 65,9 хувь буюу 1,855 иргэн
Багануур дүүрэг 44,5 хувь буюу 8,209 иргэн
Налайх дүүрэг 43,3 хувь буюу 10,903 иргэн
Сүхбаатар дүүрэг 36,6 буюу 36,178 иргэн
Баянгол дүүрэг 37,3 хувь буюу 55,723 иргэн
Хан-Уул дүүрэг 36,2 хувь буюу 59,676 иргэн
Баянзүрх дүүрэг 34,9 хувь буюу 88110 иргэн
Сонгинохайрхан дүүрэг 34,7 хувь буюу 71,058
Чингэлтэй дүүрэг 34,2 хувь буюу 32,086 иргэн тус тус саналаа өгөөд байна.

Тэгвэл орон нутгаас Баян-Өлгий аймаг 71,9 хувь буюу 45,838 иргэн, Завхан аймаг 67,7 хувь буюу 31,115 иргэн, Сүхбаатар аймаг 67,3 хувь буюу 27,505 иргэн тус тус саналаа өгч, хамгийн өндөр ирцтэй байна.

Харин Орхон аймаг 43,9 хувь буюу 28,396, Дархан-Уул аймаг 40,7 хувь буюу 26,748, Улаанбаатар хот 36,2 хувь буюу 363,798 иргэн тус тус саналаа өгч, хамгийн бага ирцтэй байна.

Энэ удаагийн ээлжит сонгуулиар нийслэлд Иргэдийн Төлөөлөгчдийн Хурлын 12 тойрог 45 мандат, дүүргийн 181 тойргийн 313 мандатын төлөө нам, эвсэл, бие даагчид нэр дэвшин өрсөлдөж байна. Орон нутгийн сонгуулийн санал хураалт өглөөний 07:00 цагт эхэлж, орой 20:00 минутад дуусгавар болно.