Осол гаргаж, хэргийн газраас зугтаасан үйлдлийг мөрдөн шалгаж байна
Цагдаагийн байгууллагад өнөөдөр /2024.11.09/ 12:45 цагт “Сонгинохайрхан дүүргийн есдүгээр хорооны нутаг дэвсгэрт автомашин мөргөөд явсан байна” гэх дуудлага мэдээлэд бүртгэгдсэн байна. Дуудлагын дагуу алба хаагчид осол болсон газарт шуурхай очиж шалгахад Toyota Prius-30 маркийн тээврийн хэрэгслийн жолооч нь иргэн “А”-ын эзэмшлийн Toyota Prius-30 маркийн тээврийн хэрэгслийг мөргөж онхолдуулан, улмаар тээврийн хэрэгслээ орхиж, хэргийн газраас зугатсан байсан аж. Энэ хэргийг үргэлжлүүлэн мөрдөн шалгах ажиллагааг явуулж байна гэж цагдаагийн байгууллагаас мэдэгдлээ.
About Author
