Д.Амарбаясгалан, Э.Болормаа нар тойрогтоо ажлаа тайлагнаж явна

УИХ-ын дарга Д.Амарбаясгалан, УИХ-ын гишүүн Э.Болормаа нар тойрогтоо ажлаа тайлагнаж явна.
Тодруулбал, өчигдөр /2025.01.29/ Говь-Алтай аймгийн Тайшир, Дэлгэр сумын, өнөөдөр Бигэр сумын иргэдтэй уулзаж байна. Уулзалтаараа УИХ-ын намрын чуулганаар хэлэлцэн баталсан хууль, парламентын бодлого, үйл ажиллагааны талаар танилцуулжээ.
УИХ-ын дарга Д.Амарбаясгалан “Шинэ парламент 30 жил гацсан мега төслүүдийн чөдрийг тайллаа” гэж онцолжээ.
УИХ-ын гишүүн Э.Болормаа “УИХ-аас 2025 оны төсвийг батлахдаа царцсан барилга, хөрөнгө оруулалтын ажлуудыг дуусгах зорилго тавин ажиллаж, үр ашиггүй төсвийн хуваарилалтуудад эцэс тавьж чадсан” хэмээжээ.
Тэд 2024 оны УИХ-ын сонгуулийн II тойрог, баруун бүсэд нэр дэвшин сонгогдсон гишүүд билээ.