ИНЕГ-ын даргын албыг түр орлон гүйцэтгэгч Э.Төрбаяр албан бичиг дээр дарга статусаар тамга дарж байна
ИНЕГ гэдэг байгууллага эзэнгүй айл шиг болон хувирсаар удаж байна.
Тус байгууллагыг Р.Мөнхтуяа хоёр жил гаруйн хугацаанд түр статустай удирдаж байгаад “самраад” явсан. Түүний дараа 2025.01.16-нд Э.Төрбаяр ИНЕГ-ын даргын албан үүргийг түр орлон гүйцэтгэгчээр томилогдоод буй юм. Тэрбээр, ЗГХЭГ-ын дарга Н.Учралын шахаагаар, Зам, тээврийн сайд Б.Дэлгэрсайханы тушаалаар сонгон шалгаруулалтгүй ирсэн.
Э.Төрбаяр нь, өмнө нь 2023 онд ИНҮТ-ийн даргаар томилогдон ажиллаад буусан. Р.Мөнхтуяа түр орлон гүйцэтгэгч хэрнээ түүнийг эл албан тушаалд томилж байв. Улмаар Р.Мөнхтуяатайгаа нийлээд чамгүй олон удаа хэл ам таталсан. Хэвлэлүүдээр ч бичигдэж байв. Өдгөө ИНЕГ дээр ирээд ч асуудлууд дагуулсаар байна.
Тухайлбал, төрийн албан бичгүүдэд албан тушаалаа даргын албан үүргийг түр орлон гүйцэтгэгч гэж бичих учиртай. Гэвч өөрийгөө дарга хэмээн бичиж хууль зөрчиж, дураараа авирлаж байгаа аж.
Даргын үүрэг гүйцэтгэгчийг ямар эрх үүрэгтэй ажиллах нь хуулиар тодорхой зохицуулагдаагүй байдаг. Улс төрийнхөн энэ хуулийн цоорхойг ашиглаж, хүссэн томилгоо хийж, өнөөдүүл нь хоёр жил дураараа дургиж байгаад буудгийн жишээнүүдийн нэг.
About Author
