Л.Цэдэвсүрэн: Миний албанд хэрэглэдэг автомашины жолооч хувийн ажлаар явж байхдаа осол гаргасан

ТАЗ-ийн дарга Л.Цэдэвсүрэн албаны автомашиныг ажлын бус цагаар, хувийн хэрэгцээндээ ашиглаж байгаад осол гарсан талаарх мэдээлэл цахим сүлжээнд гарсан. Үүнтэй холбоотойгоор түүнээс ослын талаар тодруулахад дараах хариултыг өглөө.

-Төрийн албаны зөвлөлийн даргын хувьд хууль тогтоомжийн хүрээнд албан ажлын автомашин хэрэглэдэг. Осол гаргасан үеийн асуудлын хувьд хэвлэл мэдээлэл дээр бол ажлын бус цагаар өөр хүн машиныг нь унаж явж байгаад осол гаргачихсан гэдэг мэдээлэл яваад байгаа. Тийм биш. Яагаад гэвэл албаны унааг Засгийн газрын автобазаас авдаг. Засгийн газрын автобазын жолооч бас миний ажилд, үйлчилгээнд явдаг. Осол гарсан цаг нь болохоор шөнийн 91-03 цагийн үед буюу ажлын бус цагаар болсон. Бас тэр осол гарахад би ямар нэг даалгавар өгч хувийн ажлаар явсан зүйл байхгүй. Тухайн үед автобазын маань жолоочийн гэрийн хүн өвдөөд яаралтай тоног төхөөрөмж авч ирэх шаардлага гарсан юм байна лээ. Тэгээд явж байгаад тэр харамсалтай ослыг гаргасан. Тэрийг нь даатгалын компани үзээд, цагдаа бүртгэлээ хийгээд Засгийн газрын автобаз руу хандаж, нөхөн төлбөрийнх нь асуудал шийдэгдсэн. Өнөөдрийг хүртэл би Засгийн газрын автобазаас дахиж албаны унаа авч унахгүй байгаа. Яагаад гэвэл тэр осолд орсон машин унааг засварлах ёстой. Тэрнээс биш хэвлэлд гарсан шиг ажлын бус цагаар албаны унаа ашиглаж, осол гаргасан гэдэг зүйл бол гүтгэлэг гэж хэлнэ. Машины хувьд Засгийн газрын автобазын машин. Миний албан ажилд явдаг байсан. Жолооч нь бас Засгийн газрын автобазын жолооч. Жолооч нь унаж явсан нь үнэн. Машиндаа ганцаараа байсан. Харамсалтай осол гаргасан нь үнэн. Жолоочид нь Засгийн газрын автобаз өөрсдөө хариуцлага тооцсон гэж сонссон.