Самар түүж яваад сураггүй болсон эмэгтйг эрэн хайх ажиллагааг түр зогсоолоо
Хөвсгөл аймгийн Тариалан сумын Давааны-Ар багийн “Дуургын нуруу” гэдэг газарт самар түүж яваад сураггүй болсон иргэн Э-г есдүгээр сарын 22-ны өдрөөс эрэн хайж байгаа билээ. Тус аймгийн Онцгой байдлын газар болон ар гэрийнхэн нь алга болсон гэх газраас 20 км-ийн тойрогт эрлийн ажиллагаа зохион байгуулсан ч үр дүнд хүрээгүй тул ар гэрийн хүсэлтээр эрэн хайх ажиллагааг түр зогсоосон байна.
