Лу.Гантөмөр болчимгүй үгээрээ сэлэнгэчүүдийг биш С.Баярцогтыг дайруулсан уу
Эх сурвалж: Zuv.mn
Ардчилсан намын дарга асан Л.Гантөмөр ярилцлагын нэвтрүүлэгт орох үеэрээ “Би шинжлэх ухаан шүтдэг учраас хунчираар Монголчуудыг эдгээр эм гаргачихна гэж мөрөөддөг юм. Мөрөөдөлдөө захирагдаад хунчир тарьдаг хүмүүсийн төсөл дээр оролцсон. Хунчир тарьж л байгаа. Өөдөлдөггүй юм аа. Газар дээр юм тарихад Монгол хүн 10-20 жилийг зарцуулна. Хятад цустай улсууд бол их хурдан юм ургуулаад байдаг юм билээ. Сэлэнгэ хавиас ч юм уу. Тэднийг би муу хүн гэж хэлж байгаа юм биш шүү” хэмээн ярьсан”.
Түүний энэ үг мэдээж, олон хүнд таатай сонсогдоогүй, ялангуяа Сэлэнгэ аймгийн гаралтай хүмүүс. Тэгвэл тэрбээр энэ болчимгүй үгээрээ сэлэнгийнхнийг юм уу, газар тариалан эрхэлдэг хүмүүсийг муучилсан биш, харин нэг намын С.Баярцогтыгоо дайруулж хэлсэн байж магадгүй аж. Өөрөөр хэлбэл, Ардчилсан намын дотоод шинэчлэлтэй холбоотойгоор намын дотоод тэмцэл хурцадсаны шинж байж магадгүй аж.
С.Баярцогт нь газар тариалангийн бизнес эрхэлдэг, Сэлэнгэ аймгаас гаралтай. 2023 онд болсон Ардчилсан намын даргын сонгуульд Лу.Гантөмөртэй өрсөлдөж байсан юм.
АН Засгаас гарч, Л.Гантөмөр даргын ажлаа өгсний дараа явагдсан намын даргын сонгуульд О.Цогтгэрэл даргаар сонгогдсон. Үүний дараа С.Баярцогтын нөлөө ихсэж, дахин тодрох асуудал яригдах болоод буй. Улмаар намд эрс шинэчлэл хийж буй нь фракцуудын эрх ашигт янз бүрээр тусах бөгөөд үүний нэг илрэл нь Лу.Гантөмөрийн далд утгатай дээрх ёжлол байсан гэж үзэх нэг хэсэг байна.
