Олон улсын нислэгээр зорчиж буй иргэдийн анхааралд

Манай улсын иргэд БНХАУ руу нислэгээр зорчих үедээ онгоцны бүхээгт электрон тамхи татсан тохиолдол гарсантай холбогдуулан дараах сэрэмжлүүлгийг ГХЯ-ны Консулын газраас хүргүүлж байна.

Онгоцны бүхээгт тамхи, электрон тамхи зэргийг татсан тохиолдолд БНХАУ-ын “Хэв журам сахиулах, шийтгэл оногдуулах тухай хууль”-д заасны дагуу 10,000 хүртэлх юаниар торгох, 5 хоногийн хугацаанд саатуулах, хүндэвтэр гэж үзсэн тохиолдолд эрүүгийн хэрэг үүсгэн шалгах хуулийн зохицуулалттай байдаг.

Иймд, олон улсын аливаа нислэгийн үеэр онгоцны аль ч хэсэгт тамхи, электрон тамхи татахыг олон улсын нисэхийн хууль, журамд хатуу хориглодог тул нисэх багийн зүгээс өгч буй заавар, зөвлөмжийг чанд сахиж, биелүүлэхийг гадаад улс руу зорчиж буй нийт иргэддээ сануулж байна.