“Гацуурт” ХХК ургацын мэдээгээ хоцроож, “засуулдаг” нь татвар, улаанбуудайн урамшууллын дүнд нөлөөлдөг үү
“Гацуурт” ХХК хавар улаанбуудай тариалсан гэж мэдээ өгөөд, намар нь рапс болгодог. Тэгээд нэг бол хаврын, нэг бол намрын мэдээг засуулах асуудал ярьдаг”.
Энэ бол Сэлэнгэ аймгийн Цагааннуур суманд үйл ажиллагаа явуулж буй “Гацуурт” ХХК-ийн гаргадаг үндсэн зөрчлүүдийн нэг хэмээн малчид, тариаланчид хийгээд төрийн албан хаагчид үзэж байна.
Газар тариалан эрхлэгч иргэн, ААН-үүд нь ургац хураалтын үед ургацын статистик мэдээгээ долоо хоног бүр сумын ЗДТГ-т гаргаж өгөх үүрэг хүлээдэг. Харин энэ нь аймаг руу, дараа нь улс руу нэгтгэгдэж, улсын хэмжээний статистик мэдээг “боодог”.
Мөн үүнд үндэслэж,
- Татвар ноогдуулах
- Улаанбуудайн урамшууллын үнийг тогтоох хоёр асуудал яригддаг онцлогтой.
Харин нутгийн иргэд, төлөөлөл “Энэ компанид хууль журам ерөөс үйлчилдэггүй. Үйлдвэрлэлийн мэдээг долоо хоног бүр өгөх ёстой. Ер мэдээлдэггүй, олон жил болж байна. Бүр тариалалт дууссан хойно өгдөг. Тэр мэдээлэл нь бас зөрүүтэй ирдэг.
Статистикийн мэдээлэл тусдаа хуультай, хүлээдэг үүрэгтэй асуудал. Жишээ нь, хавар буудай тарьсан гэж мэдээлээд л, намар рапс хурааж авсан гэж мэдээ өгч байгаа юм. Тэгээд хаврын мэдээллээ засуулах асуудал ярьдаг. Эсвэл намрын мэдээллээ. Статистикийн мэдээ бодит байдлаас зөрж болохгүй болохоор засварлахаас аргагүй болдог” хэмээж байлаа.
Сумын төрийн албан хаагчдын шаардлагыг биелүүлдэггүй
Тариалангийн мэдээг хоцроож, намар татвар болон улаанбуудайн урамшуулал тооцохын өмнөхөн өгдөг нь малчид, иргэдийн анхаарлыг татдаг байна.
Ялангуяа улаанбуудайн урамшууллын үнийг жил бүр өсгөж, 11-12-р сард шинэчлэн баталж буй. Энэ хүртэл “Гацуурт” ХХК статистик мэдээгээ өгөхгүй хоцроох нь дийлэнх гэв. Харин урамшууллын үнэ батлагдсаны дараа тайлангаа өгнө.
Түүнчлэн, албаны хүмүүс цаг хугацаанд нь авахаар шаардлага тавихад “Захирал мэднэ. Харж байж өгнө гэсэн. Захирал ирээгүй байна” гэх мэт тайлбар өгдөг хэмээж байлаа.
Статистикийн мэдээг гаргаж өгөх нь тусдаа хуультай. Зөрчвөл хүлээлгэдэг хуулийн хариуцлагатай. Харин “Гацуурт” ХХК-ийг Сэлэнгэ аймагт 20 жил үйл ажиллагаа явуулахдаа үргэлж ийм дүр зураг үүсгэж иржээ. Заасан, шаардсан хугацаанд статистик мэдээг гаргаж өгдөггүй, “Захирал харж байж өгнө гэсэн” хэмээх хариу тайлбар өгдөг зэрэг нь бусад аймгууд дахь газар тариалан эрхлэгчдэд бас нийтлэг.
Тэдний нийтлэг онцлог нь, дандаа татвар тооцох болон улаанбуудайн урамшууллын дүнг шинэчлэн баталж, олгохын өмнө хоцроосон статистик мэдээллээ өгдөг гэх асуудал юм. Энэ талаар аймаг, сумын ХААГ-ын мэргэжилтнүүд ярьсаар ирсэн.
Бид өмнө нь “Гацуурт” болон түүний охин компаниудын төрөөс авсан улаанбуудайн урамшууллын дүнг тооцож, #1: Л.Чинбат хэчнээн мэлзэв ч ХААДС-гаас “Гацуурт” тэргүүтэй 15 компаниараа ₮15.6 тэрбумын урамшуулал, ₮935 саяын зээл авчээ контентыг бэлтгэсэн билээ.
ӨМНӨХ КОНТЕНТУУД:
Сэлэнгэ аймгаас: “Нарны шорон” нэр зүүсэн “Гацуурт” ХХК малчдаас хонь нэхдэг ч Л.Чинбат үгүйсгэдэг контентыг ЭНД ДАРЖ уншина уу.
“Гацуурт”-д 24 настай машинист нас барсны дараа гарын үсгийг нь дуурайлгаж, ХАБ-ын хуудсаа “бөглөжээ” контентыг ЭНД ДАРЖ уншина уу.
About Author
