EWC 2026: Аваргаа хамгаалагчдын эсрэг Мэйжорын аварга
EWC 2026 тэмцээний Counter-Strike 2-ын өрсөлдөөн финалын шатандаа орлоо. Хэсгийн шатны ялгаатай нь плей-оффт алдаа гаргах эрх байхгүй. Энэ нийтлэлээр 1xBet esports-ийн мэргэжилтнүүд The MongolZ багийг эхний хасагдах шатны тоглолтод юу хүлээж байгаа болон аваргын төлөөх замд ямар өрсөлдөгчидтэй тулгарч болохыг дүгнэжээ.
Плей-оффын хүснэгт
Монголын баг плей-оффын хамгийн хүнд хэсэгт багтсан. Хэрэв тэд Мэйжорын аварга Falcons-ыг буулган авбал дараагийн шатанд хэсгийн тоглолтод 1:2-оор хожигдсон, хэцүүхэн өрсөлдөгч болох NAVI-тэй дахин таарах магадлал өндөр.
Хагас шигшээд The MongolZ баг Vitality болон Spirit-ийн тоглолтын ялагчтай учрах магадлалтай бөгөөд ZywOo, donk нар ид формдоо байна. Тиймээс амархан зам хүлээж байгаа нь лав биш. Харин хүснэгтийн нөгөө хэсэгт MOUZ болон FURIA хамгийн хүчтэй өрсөлдөгчдөд тооцогдож байна.
The MongolZ болон Falcons-ийн форм
The MongolZ эхний тоглолтдоо magic-ийг 13:7-оор итгэл төгс хожсон ч плей-оффт шалгарах эрхийн төлөө NAVI-д 1:2-оор хожигдсон. Гэхдээ маргааш нь Бразилын paiN Gaming-ийн эсрэг 13:10-оор Nuke, 13:4-өөр Inferno-г авч, сэргэж чадсан.
Эхний тоглолтод AWPer 910 1.56 рейтинг, 20/12 K-D үзүүлэлтээр The MongolZ-ийн гол тоглогч байсан бол сүүлийн тоглолтуудад багийн ахлагч bLitz үндсэн үзүүлэлтүүдээр түүнээс бага зэрэг илүү байлаа. Мөн шинээр нэгдсэн хоёр тоглогч тактикийн системд сайн зохицож, тогтвортой тоглолт үзүүлж байгаа нь эерэг дохио билээ.
Харин Falcons хэсгийн эхний тоглолтдоо K27-ийг 13:6-гаар хожсон. Дараа нь Astralis-ийг Ancient дээр 13:7, Dust2 дээр 13:11-ээр буулган авч, хэсгээ тэргүүлэн плей-оффт шалгарсан.
m0NESY, NiKo, kyousuke нар онцгой формтой байна. Эхний тоглолтод AWPer m0NESY 1.97 рейтинг, 22/8 K-D үзүүлэлттэй байсан бол хоёр дахь тоглолтод туршлагатай Боснийн rifler NiKo 1.52 рейтинг, 41/27 K-D үзүүлэлтээр багийнхаа гол тоглогч болжээ.
The MongolZ vs Falcons: хэн хожих вэ?
Esports-ийн шинжээчдийн үзэж байгаагаар Mэйжорын аварга Falcons удахгүй болох тоглолтод илүү өндөр хожих магадлалтай. Гэхдээ The MongolZ тэднийг буулган авах бүрэн боломжтой.
Хоёр баг сүүлийн хоёр жилийн хугацаанд хоёр удаа учраа таарсан. IEM Cologne 2025 тэмцээнд Монголын баг 13:9, 13:9-өөр 2:0 харьцаатай ялсан бол PGL Astana 2026-д шийдвэрлэх гурав дахь map дээр нэмэлт цагт буюу 12:16-гаар хожигдсон. Өөрөөр хэлбэл, хоёр багийн өмнөх тоглолтуудын харьцаанд The MongolZ бага зэрэг давуу үзүүлэлттэй.
The MongolZ-ийн хувьд дасгалжуулагч maaRaa тэмцээнд оролцохгүй байгаа, мөн бүрэлдэхүүнд туршлага багатай хоёр шинэ тоглогч байгаа нь сөргөөр нөлөөлж болзошгүй. Гэсэн хэдий ч дасгалжуулагчгүй нөхцөлд ч хүчтэй өрсөлдөгчдөө хэд хэдэн удаа ялж байсан. Шинэ тоглогчид харин эсрэгээрээ Falcons-д тааварлашгүй хүчин зүйл болж чадна. Учир нь Монголын залуу тоглогчдоос юу хүлээхээ бүрэн мэдэхгүй.
Ялангуяа сүүлийн гурван сарын хугацаанд The MongolZ 100 хувийн ялалтын үзүүлэлттэй байгаа Dust2 map дээр энэ давуу тал илүү тод харагдаж болох юм.
Мөн The MongolZ өнгөрсөн жилийн Esports World Cup 2025 тэмцээнд түрүүлж, замдаа Team Vitality-ийг хүртэл буулган авсныг мартаж болохгүй. Энэ тэмцээнд түрүүлж байсан туршлага нь Азийн шилдэг багт сэтгэлзүйн чухал давуу тал өгөх боломжтой.
