Төрийн цэргийн болон хууль сахиулах байгууллагуудын 25 хос гал голомтоо бадрааж байна

Монгол Улсын Ерөнхийлөгч, Зэвсэгт хүчний Ерөнхий командлагчийн ивээл дор төрийн цэргийн болон хууль сахиулах байгууллагуудын “Залуу офицеруудын чуулган”-ыг ирэх есдүгээр сарын 8-10-ны өдрүүдэд зохион байгуулна.

Үүнтэй холбогдуулан шинийн 15-ны билигт энэ өдөр Гэрлэх ёслолын ордонд Зэвсэгт хүчний жанжин штаб, Хил хамгаалах ерөнхий газар, Дотоодын цэрэг, Шүүхийн шийдвэр гүйцэтгэх ерөнхий газар, Онцгой байдлын ерөнхий газар зэрэг 5 байгууллагын 25 залуу офицер гал голомтоо бадрааж байна.

Онцгой байдлын байгууллагаас ОБЕГ-ын харьяа Агаараас эрэн хайх, аврах 111 дүгээр ангийн мэргэжилтэн, ахлах дэслэгч Э.Гончигдорж, Үндэсний аврах бригадын Эрэлч нохойн албаны нохой сургагч, дэслэгч Б.Баярдаваа, мөн албаны нохой сургагч, дэслэгч Л.Бат-Эрдэнэ, Үндэсний аврах бригадын Эрэн хайх, аврах салбарын аврагч, ахлагч М.Батпүрэв, Эрэлч нохойн албаны эмч, дэслэгч Ч. Сарантуяа нар хуримлаж байгаа юм.