Ахлах ангийн 30 гаруй хүүхэд тэмцээнээс болж зодолджээ
Ерөнхий боловсролын 33 дугаар сургуулийн 30 гаруй хүүхэд сургуулийнхаа орчимд зодолдсон хэрэг гарчээ.
Тодруулбал, цагдаагийн байгууллагад 2023 оны аравдугаар сарын 26-ны өдөр Баянзүрх дүүргийн 3 дугаар хороо, 33 дугаар сургуулийн орчимд “Хүүхдүүд зодолдсон байна” гэх дуудлага, мэдээлэл бүртгэгдсэн байна. Дуудлага мэдээллийн дагуу дүүргийн цагдаагийн газрын хоёрдугаар хэлтсээс шалгахад ерөнхий боловсролын 33 дугаар сургуулийн ахлах ангийн 10-12 дугаар ангийн сурагчид сагсан бөмбөгийн тэмцээний үеэр нэгийгээ бөмбөгөөр оносноос улбаалан хоорондоо маргалдаж, тэмцээн тарсны дараа 30 гаруй хүүхэд хоорондоо зодолдсон нөхцөл байдал урьчилсан байдлаар тогтоогдож мөрдөн шалгах ажиллагааг явуулж байна гэж ЦЕГ-аас мэдээллээ.
About Author
