Зудын хандивт 3.1 тэрбум төгрөг, 805.1 сая төгрөгийн бараа, материал цуглажээ

Зудын нөхцөлд байгаа малчдад туслах аяны хүрээнд Улсын онцгой комисст 3.1 тэрбум төгрөг, 805.1 сая төгрөгийн бараа, материал цуглажээ. Үүнээс 701 сая төгрөгийн 41484 ширхэг бараа, материалыг зудтай аймаг, сумдад хуваарилан хүргүүлээд байгаа талаар УОК-ийн Нарийн бичгийн дарга, хурандаа Т.Баярхүү мэдээлсэн байна.

Одоогоор 11 аймгийн 50 сум төмөр буюу шилэн зудын, 17 аймгийн 135 сум цагаан зудын, 17 аймгийн 66 сум цагаанаар зудархуу нийт 21 аймгийн 251 сум, нийслэлийн дөрвөн дүүрэгт хаваржилт хүндэрчээ. Цас их орж зам, даваа хаагдсаны улмаас алслагдсан аймаг, сумын 189283 малчин өрхийн 72462 малчин өрх хүндэрсэн нөхцөл байдалд байгаа.

Түүнчлэн эдгээр өрхөд жирэмсэн эх-2556,

0-5 насны хүүхэд 29026,
өндөр настан-28446,
хөгжлийн бэрхшээлтэй иргэн-10701,
Архаг суурь өвчтэй-21507 малчин иргэн байгаа судалгааг гаргажээ.

Тиймээс сумын эрүүл мэндийн төвд- 195, хөдөөгийн нэгдсэн эмнэлэгт-8, Өрхийн эрүүл мэндийн төвд-31, аймгийн Нэгдсэн эмнэлэг, Бүсийн оношилгоо, эмчилгээний төвд-47 резидент эмч ажиллуулж буй.

Эдгээр резидент эмч нар долоо хоногийн хугацаанд ажиллахдаа дараах эмнэлгийн тусламж, үйлчилгээг үзүүлжээ. Үүнд:

0-5 насны хүүхдэд -2446
Жирэмсэн эхэд-325
Зонхилон тохиолдох өвчний чиглэлээр-4223
Яаралтай тусламж үйлчилгээ -564
Сэтгэлзүйн тусламж үйлчилгээ-1008 иргэнд үзүүлж, эмнэлгийн тусламжийг тасралтгүй үзүүлэн ажиллаж байна.