“Дорнод аймгийн Хорийн толгой гэдэг газар машинаас буух үедээ орхигдсон эмэгтэйг эсэн мэнд оллоо”
17:02 2024/03/16
Уг иргэнийг эрэн хайх ажиллагаанд 25 автомашин, 100 гаруй хүн нэмэгдэж, замын өвсний машинаар хилийн цэргийн ….. заставт хүргэгдсэн байсныг өнөөдөр 16:55 цагийн үед олж тогтоожээ.
Тухайн хүний эрүүл мэнд хэвийн, эрэн хайх ажиллагааг зогсоож байгааг Цагдаагийн байгууллагаас мэдээллээ.
11:54 2024/03/16
Гуравдугаар сарын 15-ны шөнө Дорнод аймаг, Хорийн толгой гэдэг газар зорчигч бие засахаар буух хооронд жолооч нь мартаад хөдөлсөн явдал болжээ.
Энэ талаар ЦЕГ-ын Хэвлэл Мэдээллийн Төвөөс “Дорнод аймгийн цагдаагийн газраас уг иргэнийг гурван автомашин, 15 хүнтэй эрэн хайх ажиллагааг бусад байгууллагын алба хаагчдын хамт зохион байгуулж байна.
Одоогоор олдоогүй, эрэн хайх ажиллагаа үргэлжилж байна” хэмээн мэдээллээ.
Машинаас үлдсэн эмэгтэй нь гар утас, гадуур хувцсаа машинд орхиж, буусан тул Матад 19.21 Сүмбэр Халх гол чиглэлд явж байхад таарч суусан бол 102, 89795993 94455993 дугаарын утсаар холбоо барина уу.
About Author
