МАН-ын бага хурал, АН ҮБХ хуралдана

МАН-ын Бага хурал гуравдугаар сарын 22, 23-ны өдрүүдэд товлогдсон бол Ардчилсан намын Үндэсний бодлогын хорооны хурал гуравдугаар сарын 23-ны өдөр буюу Ням гаригт товлогджээ. УИХ-ын сонгуулийн хуулийн дагуу 2024 оны УИХ-ын сонгуульд оролцох намууд гуравдугаар сарын 25-наас өмнө мөрийн хөтөлбөрөө Үндэсний аудитын газарт хүргүүлж, дүгнэлт гаргуулах зохицуулалттай учраас ийнхүү намын Бага хурал, Үндэсний бодлогын хорооны хуралдаанаараа мөрийн хөтөлбөрөө эцэслэх юм.

Мөн намууд Бага хурал, Үндэсний бодлогын хорооны хуралдаанаараа мөрийн хөтөлбөр хэлэлцэхээс гадна намын дотоод асуудал, сонгуулийн бэлтгэл ажил болон цаг үеийн асуудал хэлэлцэхээр төлөвлөөд байгаа юм байна.