"Тамхинд сугалаа явуулж автомашин өгнө гэсэн мэдээлэл сонсоогүй"

Нийгмийн сүлжээнд хугацаа нь дууссан болон хугацаа нь дуусах гэж байгаа нэр бүхий янжуур тамхийг худалдан борлуулж, улмаар автомашины сугалаа явуулж буй талаарх мэдээлэл цацагдсан.

Бид дээрх асуудлаар “Нарантуул” худалдааны захын тамхи борлуулах цэгийн худаалдаачдаас тодруулахад, “Яг одоогоор хугацаа нь дууссан тамхи байхгүй. Ирэх 7 дугаар сард хугацаа нь дуусах гэж байгаа эссэ тамхи бий. Угтаа нэг эссэ тамхийг 3100 төгрөгөөр зардаг. Гэтэл 2900 төгрөгөөр зарж байна гэсэн мэдээлэл яваад байна лээ. Хүмүүс ч бас 2900 төгрөгөөр зарж байна уу гэж сураглаж ирж байна. Хэрэв тамхины хугацаа нь дууссан бол холбогдох байгууллагаас шалгаж устгалд оруулдаг. Тийм болохоор энэ асуудалд иргэд санаа зовох зүйл огт байхгүй. Харин хүмүүсийн худалдан авалт муу байгаа болохоор урамшуулалтай тамхи борлуулж байгаа байх” хэмээн тайлбарлаж байлаа.

Хугацаа нь дууссан тамхи татах нь ямар сөрөг нөлөөтэй вэ?

Хамгийн эхэнд цаг хугацаа нь дууссан тамхинд агуулагдах никотин нь муудаж, амт нь улам ширүүн болж хүч чадал нь буурдаг. Мөн тамхины химийн найрлага өөрчлөгдөж, хортой нэгдлүүдийн хэмжээг нэмэгдүүлэх эрсдэлтэй.

Хугацаа нь дууссан тамхи татах нь мөөгөнцөр, бактери үүсдэг. Ямар ч хэлбэрээр тамхи татах нь эрүүл мэндэд ихээхэн эрсдэл учруулдаг тул хугацааг нь тогтмол харж хэрэглэх нь зүйтэй.