“Г.Батбаяр 7-8 жил С.Амарсайханы хамаарал бүхий компанитай шүүхдэлцсэн“ гэв

Иргэний нийгмийн байгууллагуудаас өмгөөлөгч агсан Г.Батбаярын талаар мэдээлэл өглөө.

Энэ үеэр Монголын эрдэмтдийн үндэсний зөвлөлийн Ерөнхий нарийн бичгийн дарга Ш.Түвдэнбалжир:

-Энэ сарын 19-нд талийгаач Г.Батбаяр хоёр цаг гаруй хугацаанд бидэнтэй асуудлаа ярилцсан. Түүний зарим хэсгийг та бүхэнд ил болгохыг хүсэж байна. Г.Батбаяр маань сүүлийн 7-8 жил “Хайрхан толгой” төслийн нэг талын өмгөөлөгчөөр ажилласан. Гурван шатны шүүхээр Өмнөговь айгийн Гурвантэс суманд байдаг Шадар сайд С.Амарсайханы хамаарал бүхий этгээдүүдийн эзэмшдэг компанийн асуудалтай тэмцэж ирсэн.

Тус компанийн хууль бус ажлуудыг ил болгож, шүүх хурлаар гэм буруутайг нь тогтоож, лиценцийг нь цуцлах мөчид хуулийн цоорхойг ашиглаж, 500 тэрбум төгрөгийг нэхсэн байсан. Тухайн өдөр түүнд амиа хорлох сэдэл байгаагүй гэдгийг албан ёсоор мэдэгдмээр байна. Харин амиа хорлох нөхцөл байдлыг хүчээр хүргэсэн байхыг үгүйсгэх аргагүй. Иргэний нийгмийн байгууллагууд маш том бамбайгаа алдлаа.