Баруун болон говийн аймгуудад бэлчээрийн ургамлын ургалт муу байна

Бэлчээрийн ургамлын ургалтын байдал энэ сарын 20-ны байдлаар Дундговийн нийт, Өмнөговь, Дорноговийн ихэнх, Баян-Өлгий, Ховд, Говь-Алтайн зарим сумдын нутгаар муу, Орхон, Дархан-Уул, Дорнодын нийт, Хөвсгөл, Хэнтий, Булган, Сэлэнгэ, Төвийн ихэнх, Увс, Завхан, Баянхонгорын зарим, Өвөрхангай, Өмнөговийн цөөн сумдын нутгаар хэвийн, бусад нутгаар дунд байна.

Энэ арав хоногт агаарын температур нийт нутгаар олон жилийн дунджаас 3.1-8.8 градусаар дулаан, хур тунадас нийт нутгийн 10 гаруй хувьд олон жилийн дунджаас ахиу, 80 орчим хувьд дунджаас бага орсон гэж Ус цаг уур, орчны судалгаа мэдээллийн хүрээлэнгээс мэдээлэв