Э. БУЯНЖАРГАЛ: Шатахууны үнийн өсөлт, автобусны эвдрэл, гэмтлээс шалтгаалан сурагчдын автобус явахгүй байгаа

Сургуулийн автобус төслийн хүрээнд энэ оны гуравдугаар сараас ашиглалтад оруулна гэж байсан ч өнөөдрийг хүртэл ашиглалтад оруулаагүй байна. Тэгвэл сургуулийн автобусыг ашиглалтад оруулахгүй байгаа талаар Нийслэлийн боловсролын ерөнхий газрын ЕБС-ийн санхүүжилт хариуцсан ахлах мэргэжилтэн Э.Буянжаргалаас тодрууллаа.

Тэрбээр “Жил бүр Ерөнхий боловсролын сургуулийн сурагчдын тоонд тохирох санхүүжилтийг олгодог. Энэ жил ч мөн адил санхүүжилт олгосон. Гэхдээ шатахууны үнийн өсөлт, автобусны эвдрэл, гэмтлээс шалтгаалан сурагчдын автобус явахгүй байгаа. Бид судалгаа хийж, Боловсролын яамд хүргүүлсэн” гэлээ.