Энэ 7 хоногт Монгол Улсад

2024 оны зургаадугаар сарын 10-16-нд болох үйл явдлын тойм

Улаанбаатарт:

6 дугаар сарын 10-нд: УИХ-ын 2024 оны ээлжит сонгуульд нэр дэвшигчээр бүртгүүлсэн 1336 хүнийг олон нийтэд мэдээлнэ.

6 дугаар сарын 10-нд: 2024 оны УИХ-ын сонгуулийн сурталчилгаа албан ёсоор эхэлж, санал авах өдрөөс 24 цагийн өмнө зогсооно.

6 дугаар сарын 10-нд: Улаанбаатар театрын уран бүтээлчид гадаад, дотоодын аялагч, жуулчдад зориулсан “Тал нутгийн аялгуу” тоглолтоо толилуулна.

6 дугаар сарын 11-нд: Монгол-Лаосын бизнес уулзалт МҮХАҮТ-д болно.

6 дугаар сарын 11-12-нд: Бүгд Найрамдах Ардчилсан Лаос Ард Улсын Ерөнхийлөгч Тонглун Сисүлит Монгол Улсад төрийн айлчлал хийнэ.

6 дугаар сарын 11-нд: Монгол-Камбожын нөхөрсөг тоглолт /FIFA INTERNATIONAL FRIENDLY MATCH TIER1/ Төв цэнгэлдэх хүрээлэнд болно.

6 дугаар сарын 11-нд: Монголоос Английн Манчестер хот руу унадаг дугуйгаар аялалд гарсан, хөлбөмбөгчин залуу Б.Очирваань эх орондоо ирж Нисэхийн тойргоос Д.Сүхбаатарын талбай хүртэл дугуйтайгаа явна.

6 дугаар сарын 12-нд: Засгийн газрын ээлжит хуралдаан Төрийн ордонд болно.

6 дугаар сарын 15-нд: УДБЭТ-ын уран бүтээлчид А.Аданы хөгжим “Жизель” балетыг тайзнаа толилуулна.

6 дугаар сарын 15-нд: Дурсамж, Freezone, Салхи, Take off хамтлаг “Melodic Night” тоглолтоо MARQUEE клубт тоглоно.

УИХ-ын ээлжит сонгуультай холбогдуулж иргэний шилжилт хөдөлгөөнийг энэ оны дөрөвдүгээр 29-нөөс зургаадугаар сарын 29 хүртэл зогсоогоод байна.

“Бодлогод залуусын хяналт” ТББ-аас зохион байгуулж буй Сайн дурын ажиглагч бэлтгэх сургалт үргэлжилж байна.

Орон нутагт:

6 дугаар сарын 13-нд: Дундговь аймагт Хөдөлмөр халамж үйлчилгээний газраас оюутан залуучуудад хөдөлмөрийн харилцааны сургалт зохион байгуулна.

6 дугаар сарын 11-12-нд: Сүхбаатар, Дорнод аймагт “Органик Монгол хөтөлбөр” Гидропоник Тариаланчдын Мэргэжлийн холбооноос хамтран зохион байгуулж буй хүнсний ногоочдод зориулсан танилцуулга, нээлттэй өдөрлөг болно.