ЦЕГ: “Петрочайна Дачин Тамсаг“ компанийн ажилчид иргэдийн биед гэмтэл учруулсан бол Эрүүгийн хэрэг үүсгэнэ

Өнгөрөгч амралтын өдрүүдээр Петрочайна Дачин Тамсаг компаниас химийн аюултай бодисонд хордсон их хэмжээний зээрийг шөнийн цагаар нууцаар булж ул мөрөө баллах гэж байхад нь илрүүлсэн ноцтой хэрэг гарсан. Үүнтэй холбоотойгоор иргэдийн төлөөлөл эсэргүүцлээ илэрхийлэх үеэр эл компанийн харуул хамгаалалтын ажилтан иргэний биед халдаж буй дүрс бичлэг олон нийтийн цахим сүлжээнд цацагдсан. Энэ талаар ЦЕГ-ын хэвлэл, мэдээллийн төвөөс тодруулахад “Дорнод аймгийн цагдаагийн газраас шалгаж байгаа. Гэмтлийн зэрэг гарвал эрүүгийн хэрэг үүсгэнэ. Гэмтлийн зэрэг гарахгүй бол Зөрчлийн хэрэг нээж хариуцлага тооцно” гэв.