Х.Нямбаатар: Л.Мөнхбаясгалан чиний нэр, удам судар чинь ч худал. Насаараа гэмт хэрэг хийсэн эзнийхээ нүглийг нуух гэж О.Дашбалбарыг ч гүтгэж харлуулсан

Хотын дарга Х.Нямбаатар УИХ-ын гишүүн Л.Мөнхбаясгаланд хариу тайлбар хийжээ. Тэрбээр,

“Нэг хэсэг завсарлаж мартагдаж байсан Женкоист тархи угаалт эргээд амилж байна уу гэлтэй ямар танил технологи вэ. Монголыг хорлож цөлмөж ханадаггүй аль газраас ирсэн албин чөтгөрүүд вэ та нар. Зүүдээ ярих гээд хулгайгаа ярьчихав уу. Чиний эзэн шиг хоморголон шоронжуулсан хүн одоогоор Монголд алга. Надад хүн шоронд хийдэг эрх мэдэл байхгүй. Энэ тархи угаалтаа зогсоогоорой.

Гишгэсэн мөр чинь худал. Мөнхбаясгалан гэж нэр чинь худал, удам судар чинь хүртэл худал. Би дуугүй л байгаа шүү. Насаараа гэмт хэрэг хийж амьдарсан эзнийхээ нүглийг цайруулах гэж, талийгаач О.Дашбалбарыг хүртэл гүтгэж, түүнээс хойш энэ Монголын төлөө цохилох зүрхтэй бүхнийг гүтгэж, харлуулж ирсэн амьдрал чинь худал.

Монголыг багахан хорлоорой гэж хэлэх байна” гэжээ.