Нөхөртөө зодуулсны улмаас эмэгтэй амь насаа алдсан ХАРАМАСАЛТАЙ хэрэг гарчээ

Нөхөртөө зодуулсны улмаас эмэгтэй амь насаа алдсан ХАРАМАСАЛТАЙ хэрэг гарчээ.

Тодруулбал, цагдаагийн байгууллагад энэ оны аравдугаар сарын 03-ны өдөр “Нөхөртөө зодуулж гэмтсэн эмэгтэй ГССҮТ-н хүлээн авах тасагт ирээд нас барлаа” гэх дуудлага мэдээлэл ирсэн байна. Тухайн дуудлага мэдээллийн дагуу цагдаагийн байгууллагаас шалгахад, 38 настай эмэгтэй Н-ийг нөхөр болох 40 настай Э нь зодсон аж.

Улмаар зодуулсан эхнэр нь ГССҮТ-д хүргэгдэн очсон ч шархаа даалгүй нас барсан байжээ.

Энэ талаар ЦЕГ-аас тодруулахад “ 38 настай эмэгтэй Н нь зодуулж хөхөрсөн шархтай ГССҮТ-д хүргэгдэж ирээд нас барсан нь тогтоогдсон. Одоогоор тус хэргийн талаарх мөрдөн шалгах ажиллагааг үргэлжлүүлж байна. Дэлгэрэнгүй мэдээлэл өгөх боломжгүй” гэв.

Тус хэргийг цагдаагийн байгууллагаас шалгаж байна.