Маргааш Сүхбаатарын нутаг, Дорнодын баруун хэсгээр их хэмжээний цас орно
Маргааш буюу нэгдүгээр сарын 25-ны өдөр Сүхбаатарын нутаг, Дорнодын баруун хэсгээр их
хэмжээний цас орох талаар Цаг уур, орчны шинжилгээний газраас мэдээллээ.
Мөн Хэнтийн өмнөд, Дорноговийн хойд, Сүхбаатарын баруун хэсгээр цасан шуурга шуурах юм
байна.
Улаанбаатар хотод амралтын өдрүүдэд өмнөх өдрүүдээс 10-15 градусаар нэмж хүйтрэх бөгөөд
25-ны Бямба гарагт цас орох юм байна.
Иймд:
• Цаг агаарын мэдээ, мэдээллийг цаг тухай бүр сонсон, мэргэжлийн байгууллагаас өгч
байгаа сэрэмжлүүлэг, анхааруулгыг дагах
• Тээврийн хэрэгслийн жолооч нар хол, ойрын замд гарахдаа тээврийн хэрэгслийн
найдвартай байдлыг хангаж бензин, шатахууны нөөцтэй, найдвартай харилцаа холбооны
хэрэгсэлтэй, дулаан хувцастай зорчих, баталгаагүй зам, гүүр, гарамгүй газраар зорчихгүй
байх
• Иргэд, малчид болзошгүй эрсдэлээс урьдчилан сэргийлж, салхи шуурганд төөрөх,
малтайгаа уруудах эрсдэлээс урьдчилан сэргийлж, малаа ойрын бэлчээрт хариулах, бага
насны хүүхдийг малд явуулахгүй байхыг онцгойлон анхаарууллаа.
About Author
