Мод үржүүлгийн компаниудын борлуулалтад анхаарахыг хүслээ

Манай улсад мод үржүүлгийн 140 орчим аж ахуйн нэгж үйл ажиллагаа явуулж байна. Тэдгээрийн ихэнх нь 10-аас дээш жил ажиллаж буй, хэдэн жилийн өмнөхтэй харьцуулахад үйл ажиллагаа өргөжжээ. Энэ талаар өнөөдөр БОАЖЯ-нд болсон өглөөний уулзалтад танилцууллаа.

БОАЖ-ын сайд Б.Бат-Эрдэнэ мод үржүүлэг, цэцэрлэгжүүлэлтийн компани, ААН-үүдийн төлөөлөлтэй уулзах үеэр тэднээс доорх саналуудыг тавив. Үүнд:

Трактор, тоног төхөөрөмжийг гаалийн хөнгөлөлтөнд хамааруулж, НӨАТ-аас чөлөөлөх талаар шийдвэрлэж өгөх,
Сэлэнгийн мод үржүүлгийн компаниудын борлуулалтыг сайжруулахад хамтран ажиллаж, дэмжих,
“Ногоон зээл”-ийн санхүүжилтийг шийдвэрлэх тал дээр төрийн оролцоог тодорхой болгох,
Уул уурхайн компаниудад мод тарих газар гаргаж өгөх шаардлагатай буйг хэллээ.

Уулзалтыг БОАЖЯ, Ойн газар, Монголын мод үржүүлэг, цэцэрлэгжүүлэлтийн мэргэжлийн байгууллагуудын холбоо зохион байгуулж, гишүүн ААН-үүдийн төлөөлөл оролцлоо.