ЦЕГ-ын дарга Т.Сүхболдыг үүрэгт ажлаас нь чөлөөлжээ
Засгийн газрын ээлжит бус хуралдаанаар Цагдаагийн ерөнхий газрын дарга Т.Сүхболдыг үүрэгт ажлаас нь чөлөөлсөн тухай ХЗДХ-ийн сайд Б.Энхбаяр мэдээлэв. Ойрын үед ЦЕГ-ын шинэ даргыг томилох аж.
Эрүүгийн цагдаагийн албаны даргаар ажиллаж байсан Т.Сүхболд 2023 оны 9 дүгээр сард Цагдаагийн ерөнхий газрын даргаар томилогдсон юм. Монгол Улсад цэргийн дээд генерал цол олгож эхэлсний 80 жилийн ойгоор 2024 онд Ерөнхийлөгч У.Хүрэлсүх ЦЕГ-ын дарга Т.Сүхболдод бригадын генерал цол хүртээсэн билээ.
