Ж.Сүхбаатар: Түгжрэлийг бууруулахад цахим үйлчилгээний “ХУРДАН” цэг чухал нөлөө үзүүлнэ

Монгол Улсын Засгийн газраас хэрэгжүүлж буй цахим шилжилтийг эрчимжүүлэх, цахим үндэстэн болох зорилтын хүрээнд Төрийн цахим үйлчилгээг иргэдэд хүргэх, иргэдийг мэдээлэл, зөвлөгөөгөөр хангах ажлыг хурдан шуурхай зохион байгуулах чиг үүрэг бүхий Төрийн цахим үйлчилгээний зохицуулалтын газар шинээр байгуулагдаад ажиллаж байна.

Тус газар нь төрийн цахим үйлчилгээг хүн, хуулийн этгээдэд хурдан шуурхай хүргэх ажлыг зохион байгуулж Төрийн үйлчилгээний “Хурдан” цэгийг нийслэл, орон нутаг, хилийн боомт, хилийн чанад дахь дипломат төлөөлөгчийн газарт шат дараатайгаар нээж байна.

https://www.facebook.com/plugins/video.php?height=314&href=https%3A%2F%2Fwww.facebook.com%2Fzarigmn%2Fvideos%2F620722419764342%2F&show_text=false&width=560&t=0

2021 оны 12 дугаар сарын 17-ны өдөр цахим хөгжлийг дэмжих Нийтийн мэдээллийн ил тод байдлын тухай, Хүний хувийн мэдээлэл хамгаалах тухай, Цахим гарын үсгийн тухай, Кибер аюулгүй байдлын тухай хуулийг баталсан билээ.

Нийтийн мэдээллийн тухай хуулийн 18 дугаар зүйлд Мэдээлэл солилцооны үндсэн систем “ХУР”, тухайн иргэнийг таних танилт нэвтрэлтийн “ДАН” системийг хуульчилсан. Тус 2 системийг ашиглаж төрийн үйлчилгээг хүргэхээр “ХУРДАН” үйлчилгээний нэр бий болсон.

Төрийн цахим үйлчилгээний “Хурдан” цэгийг нийслэл, орон нутаг, хилийн боомт, хилийн чанад дахь дипломат төлөөлөгчийн газраар дамжуулан нийт 504 цэгийг шинээр нээхээр төлөвлөн ажиллаж байна.

Өнөөдрийн байдлаар нийслэлийн хэмжээнд хүн амын төвлөрөл ихтэй худалдаа үйлчилгээний болон бусад газарт нээгдсэн “ХУРДАН” цэгүүд:

Төв шуудан дахь “ХУРДАН” цэг;
Хан-Уул дүүргийн И-Март худалдааны төв;
Улаанбаатар их дэлгүүр;
Нисэхийн тойрог, “Хан плаза” худалдааны төв;
Боловсролын Их Сургуулийн дэргэд “Төгөлдөр” төвийн 24 цагийн CU дахь салбар;
“Да хүрээ” авто худалдааны төв;
Баянзүрх дүүрэг “Жанжин” клуб;
Улиастайн нэгдсэн зах;
22 авто худалдааны төв;
Чингэлтэй дүүргийн 14-р хорооны байр;
Баянхошууны тойргийн “Номин агуулах” худалдааны төв;
Хүнсний 50-р дэлгүүр, 24 цагийн CU дахь салбар, 11 дүгээр хороолол, Дөлгөөн нуур салбар /4 салбарт/;
Монгол шуудангийн Улаанбаатар хот дахь 24 салбар
Монголын цахилгаан холбоо ХК-ийн нийт 5 салбарт Хурдан цэг ажиллаж байна.

Нийт 44 цэгийг нээж үйл ажиллагаагаа эхлүүлсэн.

Мөн 21 аймгийн төвд 5, 6 дугаар сард төрийн цахим үйлчилгээний “Хурдан” цэгүүдийг нээхээр төлөвлөн ажиллаж байгаа бөгөөд Дорноговь, Өвөрхангай, Төв, Говь-Алтай, Баянхонгор, Булган, Архангай, Завхан, Дундговь, Хэнтий, Дархан-Уул зэрэг 11 аймагт тус тус нээлтээ хийж үйл ажиллагаагаа эхлүүлэн Төрийн үйлчилгээг иргэдэд хамгийн ойроос хурдан шуурхай хүргэн ажиллаж байна. Удахгүй төрийн үйлчилгээг иргэд бүх сумаас авах боломжийг бүрдүүлэхээр ажиллаж байна.

Хилийн чанадад ажиллаж, амьдарч байгаа Монголчууддаа төрийн үйлчилгээг 47 дипломат төлөөлөгчийн газруудаар дамжуулан хүргэнэ.

Одоогоор:

Сөүл хотын дипломат төлөөлөгчийн газарт (1 цэг),
Хөдөлмөр, нийгмийн хамгааллын үйлчилгээний төв (1 цэг),
Пусан хотын дипломат төлөөлөгчийн газар (1 цэг),
Австрийн Вена хот (1 цэг)

Бүгд Найрамдах Энэтхэг Улсын Дели хотод (1 цэг) нийт 5 цэгт Төрийн үйлчилгээний “Хурдан” цэгийг байгуулан ажиллаж байна.

Мөн Гашуун сухайт хилийн боомт цагаан хад суурьшлын бүсэд нээлтээ хийж үйл ажиллагаагаа эхэлсэн бөгөөд цаашид Замын үүд, Алтан булаг зэрэг боомтуудад “ХУРДАН” цэгийг нээхээр төлөвлөн ажиллаж байна.

Өнөөдрийн байдлаар “ХУРДАН” цэгээр дамжуулж Операторын горимоор иргэд 94 төрлийн лавлагаа, тодорхойлолтыг (Иргэний үнэмлэх, оршин суугаа газрын, гэрлэсний бүртгэлийн, гадаад паспортын, төрсний бүртгэлийн лавлагаа гэх мэт) авах болон гадаад паспорт, иргэний үнэмлэх, жолооны үнэмлэх солих, нөхөн олгох, тээврийн хэрэгслийн төлбөр төлөх гэх мэт төрийн үйлчилгээг нэг цонхоор авах боломжтой бөгөөд нийт 39 байгууллагын 440 орчим үйлчилгээг хун, хуулийн этгээдэд операторын горимоор үзүүлэх бэлтгэл ажлыг ханган ажиллаж байна. Цаашлаад 2023 онд 55 байгууллагын 790 орчим төрийн үйлчилгээг иргэд маань “Хурдан” цэгээр дамжуулан авах боломж бүрэн бүрдэх юм.