“Талын салхи” мото фестиваль долоо дахь удаагаа Чингисийн хүрээ цогцолборт өчигдөр болов. Энэ удаагийн фестивальд 21 аймаг болон ОХУ, БНХАУ, БНСУ-ын төлөөлөл 2,000 гаруй тамирчин, спорт клубийн хамт олон, мотоцикл сонирхогчид оролцжээ.

Тодруулбал БНХАУ, ОХУ, БНСУ-аас хүрэлцэн ирсэн мото спортын 300 гаруй тамирчин ирсэн байна.

Мото фестивальд оролцогчид Сүхбаатарын талбайгаас Баруун 4 зам – “Тэнгис” кино театр – Сансарын туннель – Зүүн 4 зам – Сүхбаатарын талбай – 120 мянгат – Буянт-Ухаа тойрог – Чингисийн хүрээ цогцолбор маршрутаар нийт 28.2 км парад жагссан юм. Фестивалийн үеэр энтертайнмент шоу арга хэмжээ, худалдаа үйлчилгээ, урлагийн тоглолт, хөгжөөнт тоглоом зэрэг арга хэмжээг зохион байгуулагдав.

2019 оны фестивальд нийт 800 гаруй мото тамирчин оролцож байжээ.

“Талын салхи” мото фестивалийн гэрэл зургуудаас хүргэж байна.