БОГД БАНК ХК ОЛОН УЛСЫН ХӨРӨНГИЙН ЗАХ ЗЭЭЛД АМ.ДОЛЛАРЫН БОНДЫН САНХҮҮЖИЛТИЙГ АМЖИЛТТАЙ ТАТАН ТӨВЛӨРҮҮЛЛЭЭ
Богд Банк ХК нь олон улсын хөрөнгийн зах зээлд амжилттай оролцож, 3 жилийн хугацаатай, жилийн 9.50 хувийн тогтмол купонтой, 75 сая ам.долларын бондыг олон нийтэд санал болгон амжилттай арилжааллаа. Тус бондыг Австрийн Виенийн Хөрөнгийн биржид бүртгүүлсэн бөгөөд олон улсын институционал хөрөнгө оруулагчдаас өндөр сонирхол татаж, санхүүжилтийг бүрэн татан төвлөрүүлэв.
Энэхүү хэлцэл нь Богд Банкны хувьд олон улсын хөрөнгийн зах зээлд бие даан санхүүжилт татах чадамжаа баталгаажуулсан томоохон алхам болж байгаа бөгөөд банкны урт хугацааны хөгжлийн стратеги, санхүүгийн тогтвортой байдал, засаглал болон бизнесийн өсөлтийн чадавхыг олон улсын хөрөнгө оруулагчид өндрөөр үнэлсний илэрхийлэл болж байна.
Бондын санхүүжилт татан төвлөрүүлснээр банк дараах стратегийн ач холбогдол бүхий үр дүнд хүрч байна. Үүнд:
- Олон улсын хөрөнгө оруулагчдын баазыг өргөжүүлэх;
- Гадаад эх үүсвэрийн бүтцийг төрөлжүүлж, урт хугацааны тогтвортой санхүүжилтийн суурийг бэхжүүлэх;
- Банкны хөрвөх чадвар болон валютын эх үүсвэрийг нэмэгдүүлэх;
- Санхүүжилтийн дундаж өртгийг бууруулах нөхцөлийг бүрдүүлэх;
- Олон улсын зах зээл дэх үнэ тогтоолт, хоёрдогч зах зээлийн арилжааны идэвх, ил тод байдлыг нэмэгдүүлэх;
- Монгол Улсын хувийн хэвшлийн санхүүгийн байгууллагуудын олон улсын зах зээл дэх нэр хүнд, оролцоог нэмэгдүүлэх зэрэг болно.
Түүнчлэн татан төвлөрүүлсэн эх үүсвэрийг банкны үндсэн үйл ажиллагааг өргөжүүлэх, тэр дундаа жижиг, дунд бизнес эрхлэгчид, экспорт, худалдаа, үйлдвэрлэл болон хувийн хэвшлийн өсөн нэмэгдэж буй хэрэгцээнд чиглэсэн санхүүжилтийг нэмэгдүүлэхэд үе шаттайгаар зарцуулахаар төлөвлөж байна.
Богд Банк ХК нь харилцагч төвтэй үйлчилгээ, дижитал шилжилт, тогтвортой өсөлтөд чиглэсэн стратегиа тууштай хэрэгжүүлж байгаа бөгөөд энэхүү олон улсын бондын арилжаа нь тус банкны цаашдын өсөлт, олон улсын хамтын ажиллагаа, хөрөнгө оруулагчдын итгэлийг бэхжүүлэх чухал суурь болж байна.
Тус бондын арилжааны ерөнхий зохион байгуулагч, андеррайтераар дэлхийн санхүүгийн зах зээлд тэргүүлэгч хөрөнгө оруулалтын банк J.P.Morgan ажилласан бол стратегийн түншлэл болон бүтэцлэлийн зөвлөхөөр Frontier Strategies ажиллаж, хэлцлийг олон улсын стандарт, шаардлагын дагуу амжилттай хэрэгжүүлэхэд дэмжлэг үзүүллээ.
Богд Банк ХК нь цаашид олон улсын зах зээл дэх хамтын ажиллагаагаа өргөжүүлж, Монгол Улсын санхүүгийн салбарын хөгжил, эдийн засгийн тогтвортой өсөлтөд хувь нэмэр оруулах зорилтын хүрээнд үйл ажиллагаагаа тууштай үргэлжлүүлэх болно.
BOGD BANK JSC SUCCESSFULLY RAISES U.S. DOLLAR BOND FINANCING IN THE INTERNATIONAL CAPITAL MARKETS
Bogd Bank JSC has successfully accessed the international capital markets by issuing a USD 75 million bond with a 3-year tenor and a fixed annual coupon rate of 9.50%. The bond was listed on the Vienna Stock Exchange in Austria and attracted strong interest from international institutional investors, allowing the transaction to be fully subscribed.
This transaction marks a significant milestone for Bogd Bank, demonstrating its capability to independently access international funding markets. It also reflects the confidence of global investors in the Bank’s long-term growth strategy, financial stability, corporate governance, and business expansion potential.
Through this bond issuance, the Bank has achieved several strategically important objectives, including:
• Expanding its international investor base;
• Diversifying external funding sources and strengthening its long-term stable funding structure;
• Enhancing the Bank’s liquidity position and foreign currency funding base;
• Creating conditions to optimize and reduce the average cost of funding;
• Improving international market pricing visibility, secondary market trading activity, and transparency;
• Enhancing the reputation and participation of Mongolian private sector financial institutions in the international capital markets.
In addition, the proceeds raised from the bond issuance will be utilized to support the Bank’s core business expansion, particularly by increasing financing to small and medium-sized enterprises (SMEs), as well as supporting the growing needs of the export, trade, manufacturing, and private sectors.
Bogd Bank JSC continues to consistently implement its customer-centric strategy focused on digital transformation and sustainable growth. This successful international bond issuance establishes an important foundation for the Bank’s future growth, international partnerships, and stronger investor confidence.
J.P. Morgan acted as the Sole Global Coordinator and Underwriter for the transaction, while Frontier Strategies served as the strategic partnership and structuring advisor, supporting the successful execution of the transaction in accordance with international standards and best practices.
Bogd Bank JSC will continue to expand its international market engagement and remain committed to contributing to the development of Mongolia’s financial sector and sustainable economic growth.
