Өнөр Бүл хүүхдийн төвийн 50 жилийн ойн хүрээнд "Монголын Нууц Товчоо" хүндэтгэлийн буланг тохижууллаа

Өнгөрсөн 1 жилийн хугацаанд “Бэхи цолтон” ТББ -аас бага болон дунд насны 30 гаруй хүүхдийг хамруулан, “Монголын нууц товчоог судлахуй” сургалтыг амжилттай зохион байгуулсан байдаг. Тиймээс дээрх мэдлэгийг улам батжуулан, монгол ахуйг биетээр харуулж, монголын уран зохиол, түүхийн охь, соёлын үнэт өв болсон “Монголын нууц товчоо”-г сурталчилан таниулах зорилгоор хүндэтгэлийн буланг номын сангийн өрөөнд шинээр тохижуулсан байна.

Хүүхэд багачуудад үндэсний нүүдэлчний өвөрмөц зан заншил, соёлыг түгээн дэлгэрүүлэх ач холбогдол бүхий хүндэтгэлийн буланг тохижуулахад тусалсан Увс аймгийн 1989 оны төгсөгчид, Нийслэлийн ерөнхий боловсролын 31-р сургуулийн 10а ангийн хамт олон болон тус төвийн Номын санч Ц.Майнгэрэл танд чин сэтгэлийн талархал илэрхийлсэн байна.