Эрдэнэс алт ресурс ХХК-ийн ажилчид 21 хүний амийг аварчээ

Эрдэнэс алт ресурс ХХК-ны М.Золбаатар ахлагчтай 1 дүгээр ээлжний хамт олон 2024 оны 02 дугаар сарын 12-ны өдрийн цасан шуурганаар Говь-Угтаал сумаас Дундговь аймаг руу явж байсан 6474 УЕЕ улсын дугаартай Estima машинтай 9 иргэнийг Салхит уурхайн бүсээс 5 км зайд цасанд 4 цаг гаруй сууж хоригдсон байсныг хариуцлагатай жижүүрээр ажиллаж байсан баг бүрэлдэхүүн цаснаас гаргаж ажилчдын кемпд байрлуулж, хоол ундаар хангаж амь насыг аварч ажилласан байна.

Нийт 2 том хүн, 7 (0-14 насны) хүүхэд тус машинд явж байсан. (хамгийн бага нь 1 сартай өлгийтэй хүүхэд байсан). 2024 оны 02 дугаар сарын 17-ны өдрийн цасан шуурганаар Гурвансайхан сумын онцгой комисс тусламж хүссэний дагуу эрэн хайх ажиллагаанд уурхайн шуурхай ажлын бүрэлдэхүүн 3 машин, 7 хүний бүрэлдэхүүнтэй ажиллаж өдрийн 12 цагт малаа дагаад шуурганд уруудсан 23 настай иргэнийг 21:44 минутанд олж Салхит уурхайн эмчийн анхан шатны тусламж үзүүлж амь насыг аварч ажилласан. Нийт 10 хүний амь насыг аварч ажилласан байна.

Тэгвэл сүүлд ирсэн мэдээллээр 5 том хүн, 6 хүүхдийн амийг мөн аварчээ. Тодруулбал Мөн Өмнөговь аймгийн Цогтцөций сумаас Говь-Сүмбэр аймаг руу явж байсан prius 20 маркын машинтай 3 том хүн, 3 хүүхэдтэй цасан суусан байсныг дуудлагаар очиж гаргаж амь насыг аварсан байна. Мөн приүс 30 маркийн автомашинтай 2 том хүн, 3 хүүхдийг аварсан байна.