УУХҮ-ийн сайд Ж.Ганбаатар Канад руу охиноо дагуулж явсан уу

Уул уурхайн хүнд үйлдвэрийн сайд Ж.Ганбаатарыг Канад Улсад зохион байгуулагдсан PDAC 2024 чуулганд охиноо дагуулаад явж байна гэх зураг олон нийтийн сүлжээнд тавигдсан.

Тодруулбал, УУХҮ-ийн сайд Ж.Ганбаатарыг төрсөн охиноо салбар яамандаа ажиллуулж, Канад Улсын Торонто хотноо зохион байгуулагдсан PDAC 2024 чуулганд дагуулан явж байна гэх зураг шүүмжлэлд өртөөд байна.

Харин энэ талаар УУХҮ-ийн яамны хэвлэлийн төлөөлөгчөөс тодруулахад “Олон нийтийн сүлжээнд гарсан мэдээллийг хараагүй. Манай яаманд Г.Хүслэн гэж хүн ажилладаггүй. УУХҮ-ийн сайдын хоёр охин Канад улсад амьдардаг гэдэг мэдээлэл байдаг” гэх хариултыг өгсөн юм.