Улсын Их Хурлын 2024 оны хаврын ээлжит чуулган Баасан /2024.03.15/ гарагт нээлтээ хийнэ. Монгол Улсын Их Хурлын тухай хуулийн 18 дугаар зүйлийн 18.1-д “Улсын Их Хурлын намрын ээлжит чуулган 10 дугаар сарын 01-ний өдрөөс, хаврын ээлжит чуулган 3 дугаар сарын 15-ны өдрөөс тус тус эхлэн 75-аас доошгүй ажлын өдөр чуулна” гэж, 18.2-д “…ээлжит чуулганыг нээх өдөр амралт, баяр ёслолын өдөртэй давхацвал дараагийн ажлын өдөр нээнэ” гэж тус тус заасан байдаг.

2024 оны хаврын ээлжит чуулганы нээлтэд Монгол Улсын Үндсэн хуулийн цэцийн гишүүд, Улсын дээд шүүх, Шүүхийн ерөнхий зөвлөл, Улсын Их Хурлаас удирдлага нь томилогддог байгууллагуудын дарга нар, Монгол Улсад суугаа гадаад улс орны Элчин сайдууд, Дипломат төлөөлөгчийн газар, олон улсын байгууллагын тэргүүнүүд оролцоно.

УИХ-ын 2024 оны хаврын ээлжит чуулган 76 гишүүнтэй парламентын сүүлчийн чуулган бөгөөд чуулганыг нээж, УИХ-ын дарга үг хэлсний дараа Үндэсний аюулгүй байдлын талаарх мэдээллийг хаалттай сонсоно.

About Author

mnews2

See author's posts