Ерөнхий сайд асан С.Баяр 7-р сарын 1-ний хэрэгт Ц.Элбэгдоржийг БУРУУТГАВ

Ерөнхий сайд асан С.Баяр Монгол Улсын дөрөв дэх Ерөнхийлөгч Ц.Элбэгдоржийн талаар байр сууриа илэрхийлэв. Тэрбээр,

“Эби бид хоёр нэгэн үе хоёр том намын дарга нар байв. Бие биедээ хүндэтгэлтэй ханддаг. Харин хэлсэндээ хүрдэггүй, эгзэгтэй үед мурьдаг зан нь осолтой. Өөрт нь ч хэлдэг. Оюутолгойн гэрээг батлах, сонгуулийн хуулиа холимог болгох, сонгуулиар мөнгө амлахгүй гэж олны өмнө 2008 онд бид хоёр гар барин тохирсон. Аль нь ч биелээгүй.

Харин ч тэрбээр итгэл эвдэн, гэнэт “нэг сая” гэв. Тэрийг нь давуулж 1.5 сая гэсэн нь миний буруу. Их мөнгө амлах гаж тогтолцооны суурийг нь бид хоёр ийн тавьсан түүхтэй.

Тэрбээр 2008 оны долдугаар сарын 1-нд олныг бужигнуулж орхисон. Тэрийг нь хохиролгүй сайхан зохицуулж чадаагүй гэдгээр би буруутан болж хувирсан. Нэг иймэрхүү. Юутай ч бусдыг гоочлон басамжлах эрх бид хоёрт үгүй. Мөрөөрөө байсан маань дээр” гэжээ.