Дөрвөн байршлаас 2734 тонн ус соруулаад байна

Өнгөрсөн шөнө нийслэлийн хэмжээнд орсон бороо өнөөдөр үргэлжилнэ. “Геодези, Усны Барилга, Байгууламжийн Газар” ОНӨААТҮГ-аас нийт дөрвөн байршилд 37 албан хаагч 12 машин техник, гурван насостойгоор замд тогтсон усыг соруулан тасралтгүй ажиллаж байгааг мэдээллээ.

Одоогийн байдлаар дөрвөн байршлаас 31 рэйсээр 2,734 тонн ус соруулжээ.

Хан-Уул дүүргийн 17 дугаар хороо, мянгатын уулзвараас “Гэгээнтэн” хотхоны төв зам дагуу 19 рэйсээр 114 тонн ус
Хан-Уул дүүргийн 8 дугаар хороо, Нисэхийн тойргоос Сонсголон руу эргэх уулзварт 12 рэйсээр 120 тонн ус
Баянгол дүүргийн 3 дугаар хороо, Нарны гүүрний урд хэсэгт нэг моторт помпоор 2,500 тонн ус тус тус соруулсан байна.

Мөн Дунд, Сэлбэ гол дагуух үзлэг шалгалтыг тогтмол хийж байгаа гэв.