Иргэд: Ерөнхий сайдаа дэмжиж, МАН-ын нэр дэвшигчдийг багаар нь сонгоно

Улсын Их Хурлын сонгуулийн 1-р тойрогт МАН-аас нэр дэвшигч УИХ-ын дарга Г.Занданшатар, УИХ-ын гишүүн, УИХ дахь МАН-ын бүлгийн дарга Д.Тогтохсүрэн, УИХ-ын гишүүн, Төсвийн байнгын хорооны дарга Г.Тэмүүлэн, УИХ-ын гишүүн, Үйлдвэржилтийн бодлогын байнгын хорооны дарга Г.Ганболд, УИХ-ын гишүүн, Эрүүл мэндийн сайд С.Чинзориг, Батлан хамгаалахын сайд Г.Сайханбаяр, Ерөнхийлөгчийн эдийн засгийн бодлогын зөвлөх Б.Даваадалай, Эрүүл мэндийн сайд асан А.Цогцэцэг нар Өвөрхангай аймгийн Хархорин сумын иргэд сонгогчидтой өнөөдөр (2024.06.25) уулзалт хийлээ.

МАН-ын мөрийн хөтөлбөрт туссан Орхоны хөндийд Монгол Улсын шинэ нийслэл Шинэ Хархорум хотыг байгуулах, бүтээн байгуулалтад шаардлагатай суурь судалгаа, хотын ерөнхий төлөвлөгөөг боловсруулж дуусган, бүтээн байгуулалтын эхний ээлжийн ажлыг эхлүүлж, хотын ундын усны хэрэгцээ болон говийн бүсийг усаар хангах “Орхон-Онги” төслийн ТЭЗҮ-ийг батлуулан, барилга байгууламжийг байгуулах зорилтуудыг Хархорины иргэднэн талархалтай хүлээн авч байна.

Мөн орон нутагт үйлдвэрлэл, үйлчилгээ, худалдаа, бирж, тээвэр логистикийн цогцолборыг кластераар хөгжүүлэх зорилт нь Хархорин болон Хангайн бүс нутагт хөгжил дэвшил авчирна гэдэгт итгэлтэй байгаагаа хэлж байна.

Аймагтаа төдийгүй улстаа дээгүүрт орох олон хүн амтай тус суманд аялал жуулчлал сайн хөгжсөн. Одоо төрийн бодлогоор байгалийн, түүх, соёл, шашны зэрэг төрөлжсөн хэлбэрээр хөгжүүлэхээр төлөвлөж байгаа нь чухал юм. Түүнчлэн мал аж ахуйдаа тулгуурласан боловсруулах үйлдвэрлэл хөгжүүлэх, Шинэ хоршоо хөдөлгөөнийг өрнүүлэх МАН-ын мөрийн хөтөлбөр хөдөөгийн ард иргэдийн амьдралд эргэлт авчирна гэдэгт итгэлтэй байна гэж иргэд ярилаа.

Улс орны болон бүс нутаг, сум орон нутгийн хөгжлийн ирээдүйг тод томруун харж, ард иргэдийн санаа бодолтой бүрэн нийцсэн Мөрийн хөтөлбөр дэвшүүлсэн МАН, шударга ёсны төлөөх тэмцлийг өрнүүлж, авлига, баялгийн хулгайтай шийдвэртэй тэмцэж байгаа Ерөнхий сайд Л.Оюун-Эрдэнийн багийг багаар нь дэмжиж саналаа өгнө гэдгээ Хархориныхон илэрхийлж байна.