Б.Энххүслэн 200 метрийн чөлөөт сэлэлтийн төрөлд 18-д жагсав

#Paris2024 Б.Энххүслэн эмэгтэй 200 метрийн чөлөөт сэлэлтийн төрөлд 18-р байр эзлэв.

Парис 2024 зуны олимпын усанд сэлэлтийн эмэгтэй 200 метрийн чөлөөт сэлэлтийн төрөлд Монголын шигшээ багийн тамирчин Батбаярын Энххүслэн оролцлоо.

Нийт 30 тамирчин оролцож буй эмэгтэй 200 метрийн чөлөөт сэлэлтийн хоёр дахь багц буюу “Heat 2”-т уралдсан тэрээр 1:59.94 хугацаагаар барианд орж Heat 2-тоо 6-р байр, нийт тамирчдаас 18-р байрыг эзлэв.

Хамгийн хурдан 16 тамирчин хагас шигшээ шатанд шалгарах бөгөөд Б.Энххүслэн 17-р байрт шалгарсан Германы тамирчны хамт хагас шигшээ шатны сэлгээнд шилжив. Өөрөөр хэлбэл эхний 16 байрт шалгарсан тамирчдаас хэн нэг нь оролцох боломжгүй болбол хоёр тамирчин уралдах боломжтой болох юм.

Эмэгтэй 200 метрийн чөлөөт сэлэлтийн хагас шигшээ уралдаан өнөө шөнө 03:50 цагт болно.

https://flo.uri.sh/visualisation/18883271/embed?auto=1