Монгол улс, БНХАУ-ын итгэмжлэлийн байгууллагууд хамтран ажиллах харилцан ойлголцлын санамж бичигт гарын үсэг зурлаа
Монгол Улсын Үндэсний Итгэмжлэлийн төв (MNAS) нь БНХАУ-ын Итгэмжлэлийн байгууллагa (CNAS)-тай тохирлын үнэлгээний итгэмжлэлийн салбарт хамтран ажиллах САНАМЖ БИЧИГ-т 2024 оны 08 дугаар сарын 27-ны өдөр Бээжин хотноо гарын үсэг зурж, соёрхон баталгаажууллаа.
2013 оноос БНХАУ-ын хэрэгжүүлж буй “Бүс ба Зам” санаачлагад Монгол Улсын нэгдсэн худалдаа, эдийн засгийн хамтын ажиллагааг нэмэгдүүлэх, нөөц баялгийг чөлөөтэй тээвэрлэх буюу нэвтрүүлэх, иргэд, байгууллага хоорондын харилцаа холбоог өргөжүүлэх, мэдээлэл холбооны болон бусад салбарыг хөгжүүлэх бодлогын хүрээнд хамтын ажиллагааны санамж бичиг байгуулж буй нь 2 орны итгэмжлэлийн байгууллагуудын нэгдэн орсон олон улсын хэлэлцээрийн дагуу итгэмжлэгдсэн тохирлын үнэлгээний үр дүнг харилцан хүлээн зөвшөөрч, худалдааг хөнгөвчлөхөд чухал ач холбогдолтой үйл явдал болж байна.
Энэхүү санамж бичгийн хүрээнд хоёр орны итгэмжлэлийн байгууллагууд нь лаборатори, баталгаажуулалт, техникийн хяналтын байгууллагын мэдээллийг харилцан солилцох, мэдлэг туршлага хуваалцах, тохирлын үнэлгээ, итгэмжлэлийн салбарын ажилтнуудыг чадавхижуулах, итгэмжлэлийн үнэлгээг хамтран явуулах, олон улс, бүс нутгийн итгэмжлэлийн хамтын ажилллагааны байгууллагад нэгдмэл бодлогоор биесээ дэмжин ажиллахаар тохиролцов.
About Author
