Д.Мөнх-Эрдэнэ хохирол гэх 82 сая төгрөгийг шүүхийн дансанд байршуулж, батлан даалтад гарах хүсэлт гаргалаа

Иргэн Д.Мөнх-Эрдэнэд холбогдох гэм буруугийн шүүх хурал өнөөдөр /2023.04.04/ Сүхбаатар дүүргийн Эрүүгийн хэргийн анхан шатны шүүхийн байранд болж байна. Шүүх хуралдааны үеэр тэрбээр “Миний амьдралыг шийдэх гэж байгаа учир өмгөөлөгч авах хүсэлтийг хангаж өгнө үү” гэх байр суурийг илэрхийллээ. Түүнчлэн түүний өмгөөлөгчийн зүгээс иргэн Д.Мөнх-Эрдэнэд холбогдох хэргийн хохирол болох 82 сая төгрөгийг шүүхийн дансанд байршуулж, улмаар цагдан хорих таслан сэргийлэх арга хэмжээг өөрчилж батлан даалтад гаргах саналыг гаргасан юм.