2025 онд утаа, түгжрэлийг бууруулж, гэр хорооллыг орон сууцжуулна
Монгол Улсын Төсвийн тухай хуульд заасны дагуу өнгөрөгч долоо хоногт Нийслэлийн Засаг даргын
орлогч Т.Даваадалай нийслэлийн 2025 оны төсвийн төслийг НИТХ-ын дарга А.Баярт өргөн барьсан
билээ. Тэгвэл Нийслэлийн 2025 оны төсвийн төсөлд дараах үндсэн чиглэл, бодлогыг баримталж
байгаа аж. Үүнд:
- Төр, хувийн хэвшлийн хамтын ажиллагааг идэвхжүүлж, хотын эдийн засгийг тэлэх бодлогыг хэрэгжүүлнэ.
- Гэр хорооллыг орон сууцжуулж, агаар орчны бохирдлыг бууруулна.
- Улаанбаатар хотын холбоос замуудыг нэмэгдүүлэн, нийтийн тээврийн салбарт цогц шинэчлэл хийснээр авто замын түгжрэлийг бууруулна.
- Өнгөрсөн онуудад эхлүүлсэн хөрөнгө оруулалтын ажлыг дуусгаж, нийгмийн суурь үйлчилгээний хүртээмжийг нэмэгдүүлнэ.
Мөн “Метро”, Туул хурдны авто зам, Шинэ Зуунмод хотын бүтээн байгуулалт, Сэлбэ дэд төвийн орон
сууцны иж бүрэн цогцолбор хороолол зэрэг томоохон бүтээн байгуулалтын санхүүжилтийг газар
чөлөөлөлтийн зардлын хамт тусгажээ.
About Author
