“The MongolZ” дэлхийн шилдгүүдийн дараалан хожиж, 2-0 амжилттай болов
The MongolZ баг хасагдах шатны хоёр дахь тоглолтоо Германд төвтэй, өнөө цагийн дэлхийн шилдгүүдийн нэг “MOUZ” багийн эсрэг хийн 16-13 гэсэн харьцаатай хожлоо. Ингэснээр тэд 2-0 гэсэн амжилттай болж, маргааш сүүлийн аваргын төлөөх шатанд шалгарах эсэхээ шийдэх чухал тоглолт хийхээр болов.
Энэ онд нэг хэсэг”MOUZ” баг оролцсон тэмцээн бүртээ финалд хүрч, түрүүлж байсан шилдэг баг билээ.
Шанхайн Мэйжорын хасагдах шатны тоглолтууд өнөөдөр/2024.12.05/ эхэллээ. Дэлхийн шилдэг 16 баг энэ шатанд өрсөлдөх бөгөөд аваргын төлөөх сүүлийн шатанд найм нь шалгарах юм. Монголын “The MongolZ” түүхэндээ хоёр дахь удаагаа эхний шатаа давж, хасагдах шатанд шалгарсан. Тэд өнөөдөр эхний тоглолтоо “Valve” чансаагаар дэлхийд тэргүүлж буй “G2” багийн эсрэг тоглож, 13-10 гэсэн харьцаатайгаар хожлоо. М.Азбаяр/Senzu/-ийн гайхалтай тоглолтыг үзүүлэв.
Хасагдах шатанд гурван хожил байгуулсан баг сүүлийн шатанд шалгарах бол гурав хожигдсон баг тэмцээнээ өндөрлүүлнэ.
Хоёр баг өмнө нь хоёр удаа таарч 1:1 гэсэн харьцаатай байсан юм. Өнгөрсөн дөрөвдүгээр сард ESL Pro лигийн 19-р улирлын үеэр учраа таарахад “The MongolZ” ялсан бол сүүлд долдугаар сард дэлхийн аваргаар таарахад “G2” ялжээ. “G2” багийн сүүлийн үеийн форм тун сайн байгаа. Тэд саяхан Сингапурт болсон “BLAST Premier World: Final” тэмцээнд түрүүлсэн билээ.
“Valve”-ийн чансаагаар “G2” баг нэгдүгээрт бичигдэж, “The MongolZ” баг тавдугаар байрт бичигдэж байна.
Хасагдах шатны оноолт:
- G2 – The MongolZ
- Natus Vincere – Liquid
- Vitality – GamerLegion
- Spirit – FURIA
- MOUZ – paiN
- FaZe – Wildcard
- HEROIC – BIG
- 3DMAX – MIBR
About Author
