Сонгуулийн сурталчилгаа дуусах үеэр нэр дэвшигчийн үнэмлэхээ авах вий дээ
Сонгуулийн сурталчилгаа аль хэдийнэ эхэлчихээд байхад “Үндэсний эвсэл”-ээс нэр дэвшигч Н.Номтойбаяр нэр дэвшигчийн үнэмлэхээ дөнгөж өчигдөр албан ёсоор авлаа. Мөн хоёр хоногийн өмнө Захиргааны хэргийн давж заалдах шатны шүүхээс “Үндэсний эвсэл”-ээс Чингэлтэй, Сүхбаатар дүүрэгт нэр дэвшигч П.Баярхүү, Д.Ганболд нарыг СЕХ-нд албан ёсоор бүртгэж, нэр дэвшигчийн үнэмлэх олгохыг даалгалаа. СЕХ хэзээ үнэмлэхийг нь өгч, тэд хэзээ сурталчилгаагаа эхлэх нь тодорхойгүй. Сонгуулийн сурталчилгаа зургадугаар сарын 26-нд албан ёсоор хаагдах үеэр тэдний нэр дэвшигчийн үнэмлэх гарлаа гэхэд гайхахааргүй үйл явдал өрнөж байна.
Бүхий л нэр дэвшигчид сонин сэтгүүлээ тарааж, сонгогчидтойгоо уулзалт хийж, ёстой л бужигнуулж явна. Нэг ёсондоо “Морьд эргэчихээд” тоосоороо булж байхад зарим нэр дэвшигч үнэмлэхээ ч аваагүй яваа нь хэр шударга вэ. П.Баярхүү, Д.Ганболд нарыг анх СЕХ-нд бүртгэхээс татгалзсан шалтгаан нь тун хөгийн. Тэднийг МАН-ын гишүүнчлэлээс тус намын дүрэмд заасны дагуу гараагүй тул нэр дэвшигчээр бүртгэхээс татгалзжээ. Харин Улс төрийн намын тухай хуулийн Тавдугаар зүйлийн 5.7-д “Намын гишүүн хэдийд ч өөрийн хүсэл зоригийн үндсэн дээр намаас гарах эрхтэй. Намын гишүүн намаас гарах өргөдөл гаргаснаар түүнийг намаас гарсанд тооцно” гэснийг Захиргааны хэргийн шүүх үндэслэлээ болгож, СЕХ-нд албан ёсоор бүртгэж, нэр дэвшигчийн үнэмлэх олгохыг даалгаж шийдвэрлэсэн юм.
Үйл явдлыг ажиглаж байхад Чингэлтэй, Сүхбаатар дүүрэгт нэр дэвшигчдийн зарим нь П.Баярхүү, Д.Ганболд нараас эмээсэндээ тэднийг нэр дэвшүүлэхгүй хэмээн улдан чангааж байна гэж хардахаас өөр аргагүй. Тухайлбал, П.Баярхүүгийн хувьд 2016-2019 онд Нийслэлийн дэд бүтэц, гэр хорооллын хөгжил хариуцсан орлогч даргаар ажиллахдаа дүүрэгтээ төдийгүй нийслэлчүүдэд хэрэгтэй олон ажлыг санаачилж, ажил хэрэг болгосон болохоор олны ам сайтай байдаг. Зах зухаас нь дурдахад, тэрбээр ажиллах хугацаандаа Түрээслээд өмчлөх орон сууцны хөтөлбөр, Сэлбэ, Баянхошуу,Дамбадаржаа дэд төвүүдийн төслийг санаачилж, Нэхмэлийн шарууд ашиглалтын шаардлага хангахгүй байгаа зэрэг асуудлуудыг гарган ажил хэрэг болгосон. Улаанбаатарын хамгийн том бүтээн байгуулалтуудын нэг болох Яармагийн гүүр, Замын цагдаагийн гүүр, Налайхын зам ч П.Баярхүү даргын үед тавигдсан билээ. Санаачилж ажил хэрэг болгосон бас нэг буянтай ажил нь газар доорх цэвэр усны шугамыг ухаж гаргахгүйгээр маш халуун уураар зэвийг нь арилгаж, хуванцар дотор үүсгэх технологи нэвтүүлсэн. Бага тойруу, 40 мянгат орчмын халуун, хүйтэн усны шугам хоолойнуудыг ийм болгосон гээд хийсэн ажлуудыг нь бичвэл уртаас урт жагсаалт болно.
Д.Ганболдын хувьд Чингэлтэй дүүргийн Засаг даргаар найман жил, УИХ-ын гишүүнээр нэг удаа сонгогдсон, дүүрэгтээ төдийгүй танигдсан хүн. Чингэлтэй хайрханы иж бүрэн спорт тохижилтоос эхлээд дүүргийн өнгө үзэмж, тохижилтод анхаарч олон ажил санаачилж хэрэгжүүлжээ.
Ингэж дурдахын учир хийсэн ажилтай, цаашид хийх ажлаа ч мэддэг хүмүүсээс эрх баригчид айж, тэднийг нэр дэвшүүлэхгүй байх, нэр дэвшлээ гэхэд боломжит бүхий л аргаар саад хийхээр төлөвлөжээ гэж харагдахаа
About Author
