Улаанбаатараас Москва хүрэх шууд нислэгтэй болох талаар хоёр улс хэлэлцэж байна гэж мэдээлэв

Орос, Монгол хоёр улсын нийслэл хоорондын шууд харилцаа холбоог нээхээр төлөвлөж байна. Учир нь Нийслэлүүдийн хооронд шууд харилцаа холбоо байхгүй байгаа нь аялал жуулчлалд сөргөөр нөлөөлж байна гэж Монгол дахь ОХУ-ын Элчин сайдын яам мэдэгдсэн талаар ОХУ-ын amp.ura мэдээлэв.

Тодруулбал, Орос, Монголын төлөөлөгчид хоёр улсын хооронд нислэгийн тоог нэмэгдүүлэх, хоёр улсын нийслэлээс хөдлөх боломжтой шууд нислэг нээх асуудлыг хэлэлцэж байгаа аж. Мөн удахгүй Екатеринбург-Улаанбаатар чиглэлийн шинэ маршрут гарч ирэх ёстой. Энэ тухай ОХУ-аас Монгол Улсад суугаа Элчин сайд Алексей Евсиков мэдэгдэв. Тэрбээр “Орос, Монголын тээврийн газар нислэгийн тоог нэмэгдүүлэх талаар ярилцаж байна. Хэлэлцэх асуудлын жагсаалтад нийслэл хоорондын шууд харилцаа холбоог нээх асуудал байгаа. Екатеринбург-Улаанбаатарын чиглэлд Red Wings нислэг эхлэх төлөвтэй байна” гэлээ.