Б.Цогтгэрэл: Миний уудаг glenmorangie вискинээс 250 шилийг авч болох мөнгөөр Ч.Номин сайдын зочид буудалд төсөв хэлэлцсэн

МАН-ын Бага хурлын гишүүн Б.Цогтгэрэл Соёл, спорт, аялал жуулчлал, залуучуудын яамны
шилэн дансан дахь гүйлгээний талаар мэдээлэл хийв.
Тэрбээр “Ч.Номин сайдын эзэмшлийн Тэрэлжийн мухарт байдаг 5 одтой зочид буудал нь “Тэрэлж сүйх” гэдэг компанийнх юм билээ. Тэр зочид буудалд нэлээн олон арга хэмжээ болдог, мөнгийг нь төрийн сангаас төлдөг. Энэ дүнд итгэхийн аргагүй, даанч дээ гэж харамсмаар нэг
зарлага байгаа. Тэр нь 2025 оны төсвийн хэлэлцүүлгийг 50 сая төгрөгөөр Тэрэлж дэх 5 одтой зочид буудалд зохион байгуулсан явдал.
Миний авч уудаг glenmorangie гэдэг вискинээс 250 шилийг авч болохоор байна шүү дээ. Энэ чинь одоо юу гэсэн үг вэ. Нэгхэн өдрийн дотор 50 сая төгрөгг гэдэг чинь 50 сэтгүүлчийн сарын цалин биз дээ. Залуу сайд нар яагаад ийм өлөн зэлмэн, турж үхэх гэж байгаа юм шиг, ард
түмний мөнгөнд хомхой хандаад байгааг ойлгохгүй байна.
Тэрэлжид төсвийн хэлэлцүүлэгт оролцсон хүмүүс тэр мөнгийг буцааж төлөх ёстой.
Мөн оны эхний 10 сарын байдлаар төрийн сангаас 5 тэрбум орчим төгрөгөөр онгоцны тийз
худалдаж авсан. Үүнээс Ч.Номин сайд 344 сая төгрөгөөр буюу хамгийн их зардлаар тийз авсан”