ТАНИЛЦ: БЗС-аас зээл авч гадаадад суралцсан төрийн өндөр албан тушаалтан болон тэдний хүүхдүүдийн нэрс

БЗС-ийн зээлийн 90 хувийг өндөр албан тушаалтнуудын хүүхдүүд авсан талаар УУХҮ-ийн дэд сайд О.Батнайрамдал /2023-05-16/ нд зарлан мэдээлсэн. Тэдний авсан зээлийн 363 тэрбум төгрөг. Энэ мөнгө улсын төсвөөс гарсан. Бид нээлттэй мэдээлэлд үндэслэн төрийн өндөр албан тушаалтнууд болон тэдний хүүхдийн нэрсийг ил болгон мэдээлээд 10 хүрэхгүй хоног болж байна. Энэ хугацаанд нийт 87 хүний нэрс ил болсон юм. Тухайлбал, МАН-ын үе үеийн УИХ-ын гишүүд болон сайд нар болон тэдний хамаарал бүхий хүмүүс 52 болж жин дарж байна. Үүний араас АН-аас 9, ХҮН-аас 5, МАХН-аас 1, олны танил ба бусад албан тушаалтан 12 хүний нэрс олон нийтэд ил болоод байна.