"Оросууд Ангирскийн үйлдвэртээ засвар хийх тул Монголд шатахуун нийлүүлэх боломжгүй" гэснийг Г.Занданшатар эсэргүүцжээ

УИХ-ын дарга Г.Занданшатар энэ сарын 18-22 ны өдрүүдэд ОХУ-д ажлын айлчлал хийж буй. Түүний айлчлалын үеэр Улаанбаатар төмөр зам ХНН-ийн монп-1, монп-2 зэрэг өрийн асуудал яригдсан гэж байгаа. Тэгвэл мөн оросоос монголд нийлүүлдэг шатахууны талаар ярилцсан бололтой.

Тодруулбал, Оросын тал ирэх долоо, наймдугаар сар /2023.07,08/-д Монгол Улсад шатахуун нийлүүлэх боломжгүй, учир нь Ангирскийн үйлдвэртээ засвар хийнэ гэж мэдэгдсэн аж. Иймд манай улс БНХАУ-аас шатахуун авах асуудлыг ярьсан боловч өртөг өндөр байгаа ажээ. Харин УИХ-ын дарга Г.Занданшатарын айлчлалын үеэр “ОХУ-аас нийлүүлдэг шатахууны асуудлыг ирэх долоо, наймдугаар сард шийдэхээс өөр арга байхгүй хэмээж мөн оросоос нийлүүлдэг шатахууны үнийг хямдруулах асуудал” ч яригдсан байна.