Л.Гантөмөр боловсролын сайд байхдаа Сайнтлоги хэмээх шашны гаж урсгалын хичээлийг 32 мянган багшид заажээ

Сайнтлоги хэмээх шашны гаж урсгал нь АНУ-аас гаралтай бөгөөд хүний тархийг угаадаг, сэтгэл санааны мэдрэмжүүдийг байхгүй болгож сэтгэх чадваргүй болгодог байна. Олон улс оронд Сайнтлогийн шашныг хориглосон байдаг. Тухайлбал Герман улсад Сайнтлогийг экстримист урсгал, аюултай гэсэн байр сууринаас ханддаг байна.Гэтэл 2013 онд Л.Гантөмөрийг Боловсрол Шинжлэх ухааны сайд байхад хэрэглээний боловсрол нэрээр Сайнтлогийн шашны хичээлийг 32 мянган багшид заажээ. Сургалтад нийслэлийн болон хөдөө орон нутгийн багш нар хамрагджээ. Тус хичээлийг Екатирина Камарова гэх Орос хүн удирдаж байсан бөгөөд Монголд сургагч багш нарыг бэлдэж байжээ. Тус сургалт нь төсвийн мөнгөөр явагдсан бөгөөд энэ нь яамны тайлан дээр байгаа аж. Энэ тухай urug.mn сайт Улс төрийн задлан нэвтрүүлэгтээ хөндсөн байна.Л.Гантөмөр нь боловсролын сайдаар ажиллаж байхдаа Мүүний шашинг Монголд оруулж ирэх асуудалд холбогдож байсан бол энэ удаа Сайнтлогийг хэмээх шашны гаж урсгалыг оруулж ирэхийг санаархсан баримтыг urug.mn сайт дэлгэжээ. Нэвтрүүлгийг ЭНДээс үзнэ үү.